གཉའ་ཁྲི་བཙན་པོ།
༢༥༽ དེ་ནས་ཡབ་ཀྱིས། ཨུ་བེ་ར་སྐད་བཏང་ནས། རང་ཡུལ་ནས་དཔའ་ན་དཔའ་རྒོད་མིན། དཔའ་རྒོད་ངོ་མ་ས་མཐའ་འགྲིམས་མཁན་ཡིན་པ་ཁྱོད་ཀྱིས་ཤེས་སམ། ཞེས་དྲིས། ཨུ་བེ་རས། འོ་ན་ང་གང་དུ་འགྲོ་དགོས་སམ། ཞེས་གསོལ།
༢༦༽ དེང་སང་བོད་ན་ཕོ་རྒོད་མང་ཟེར། ཡིན་ན་ཡང༌། ཁོ་ཚོར་མཐུ་རྩལ་ཐབས་མཁས་ལྡན་པའི་དམག་དཔོན་ཞིག་བྱུང་ན། གནམ་འོག་འདིར་འགྲན་ཟླ་བྲལ་བ་ཞིག་ཡོང་ངེས། ཞེས་གསུངས་པས། ཨུ་བེ་ར་ཡང་རབ་ཏུ་དགའ་སྟེ། འོ་ན་ང་ད་ལྟ་རང་འགྲོ་ཆོག་ཅེས་བཤད།
༢༧༽ སྲས་ཨུ་བེ་ར་ཕྱིར་ཐོན་སྐབས། ཡབ་ཀྱིས་ཁོ་ལ་མཐུན་རྐྱེན་གང་དགོས་ཅི་མཁོ་ཚང་མ་གྲ་སྒྲིག་གནང༌། མི་མང་རྣམས་སེམས་ཧ་ཅང་སྡུག་ན་ཡང༌། བོན་པོ་མཐུ་ཆེན་ཚོ་དགའ་ཐག་ཆོད་དེ། ཨུ་བེ་རའི་རྗེས་སུ་དམོད་མོ་ཡང་བཏང༌།
༢༨༽ ཨུ་བེ་ར་ཡིས་ཀོང་པོ་དང་དྭགས་པོ་སོགས་བརྒྱུད་རིམ་པས་ལྷ་རི་གྱང་མཐོའི་རྩེ་ནས་གཟིགས་པས་ཡར་ཀླུང་གི་ཡུལ་དེ་མཛེས་ཤིང་བལྟ་ན་སྡུག་པ་ཞིག་ཡོད་པ་མཐོང་ནས་དགའ་ཚོར་ཆེན་པོ་སྐྱེ་བཞིན་མར་བབས།
༢༩༽ དེ་ནས་ཡར་ཀླུང་གི་བཙན་ཐང་སྒོ་བཞིའི་རྫ་རི་མཐོན་པོ་ཞིག་གི་ཉག་ཁར་སླེབས་པ་ན། དེར་བོན་གྱི་དཔའ་མཛངས་ལྡན་པའི་མི་བཅུ་གཉིས་ཀྱིས་བསང་གསོལ་གཏོང་གིན་ཡོད་པ་དང་འཕྲད།
For the audio files